بەشێ رۆشەنبیری و راگەهاندنا پ.د.ک ل دهۆکێ سیهـ و ئێکەمین ساڵیادا وەغەرا دووماهییێ یا هونەرمەند ئەنوەر تۆڤی بلند نرخینیت
ڕۆژا چوارشەمبی ١٠ـی ٩ـی ٢٠٢٥ ل باژێرێ دهۆکێ ب ئامادەبوونا د.سالار عوسمان، بەرپرسێ بەشێ رۆشەنبیری و راگەهاندنا پارتی هەروەسا د.ڤیان سولەیمان، سەباح بەیتوڵڵا، هاریکارێن بەرپرسێ مەکتەبا ڕێکخستنا پارێزگەها دهۆکێ، ژمارەیەکا بەرچاڤ ژ هونەرمەندان و رۆشەنبیران و نڤیسەران و کەسایەتی و رۆژنامەنڤیس و بەرپرسێن حزبی و حکوومی یێن باژێرێ دهۆکێ و خێزانا وی یا هێژا، د ڕێوڕەسمەکی دا (٣١)ـەمین ساڵیادا وەغەرا دووماهییێ یا هونەرمەندێ دیارێ کوردستانێ (ئەنوەر تۆڤی) بلند نرخاند.
رێوڕەسم ب خولەکەکێ راوەستیان بۆ گیانێ پاقژێ شەهیدان سەروەرێ وان (بارزانیی نەمر و کاک ئیدریسی هەردەم ساخ) دەستپێکر و پاشی دۆکیۆمێنتارییەک ل ژێر ناڤونیشانێن (هونەرمەند ئەنوەر تۆڤی، گەوهەرا هونەرێ کوردستانێ) دەربارەی ژیانا وی هاتبوو ئامادەرکرن، هەروەسا بەرهەمێن هونەرمەند ئەنوەر تۆڤی هاتنە نیشان دان، دۆکیۆمێنتاری ژ لایێ دهۆک تیڤی هاتبوو ئامادەکرن.
ل دەستپێکا رێورەسمێ، (٣١) شەمالک هاتنە هلکرن، گوڵ ل پێشیا وێنەیێ هونەرمەند ئەنوەر تۆڤی هاتنە دانان، کو هەڤخەمییا وەفادارییا خێزان و دوست و هەڤالێن وی دیارکر..
ل دوماهییا ڕێوڕەسمێ، (موسەدەق تۆڤی) گوتارا بنەماڵەیا (ئەنوەر تۆڤی) خواند و تێدا ب گرنگی و رێز ڤە باس ل بزاڤ و پێنگاڤێن بەشێ رۆشەنبیری و راگەهاندنا پ.د.ک کر ل سەر پاراستنا ناڤ و دیرۆکا هونەرمەندێن ڕەسەنێن کوردستانێ.
