رۆمانا (ئاكنجی یێن مێرگا بیابانێ.. جانێن ژ تەقنێ بێزار)
ژ وه‌شانێن ناڤه‌ندا خانى يا ره‌وشه‌نبيرى و ڕاگه‌هاندنێ، ڕۆمانا (ئاكنجی یێن مێرگا بیابانێ.. جانێن ژ تەقنێ بێزار)، ل بن هژمار (5)، پشكا دويێ ژ ڕۆمانا نڤيسه‌ر و ڕۆمانڤيس و ڤه‌كۆله‌ر (فازل عومه‌ر) هاتييه چاپكرن، به‌رى ڤێ؛ پشكا ئێكێ د به‌رگه‌كێ ديتر دا چاپبوويه.
د پێشگۆتنا وێ دا نڤيسه‌رێ وێ فازل عومه‌ر دبێژيت: (ھەردەم، خوەشترین ژیان، د چیڕۆكاندایە، خوەزیكا كەسێن بشێن د چیڕۆكان دا بژین و ژێ بارنەكەن.)… ئانكو خواندنا وان خۆشى و چێژه‌كێ دده‌نه خوانده‌ڤانى و دبنه پشكه‌ك ژ رويدانێن ڕۆمانێ، گه‌له‌ك جاران خوانده‌ڤان خۆ دبينيت ئێك ژ كاراكته‌رێن وێ.
هه‌ر وه‌ك نڤيسه‌ر ل دووماهييا وێ دده‌ته ئاشكرا كرن كو ئه‌‌ڤ پشكه ل رۆژا 11ى كانوونا بچووك 2017ێ ب دووماهیك هاتييه. ل رۆژا 17ى تیرمه‌هێ 2018ێ، دو پشك لێ هاتينه زێده‌كرن.ل رۆژا 25ى چریا پاشى 2018ێ، پێداچۆنا دووماهيیێ بۆ هاتييه‌كرن و ل تەباخا 2020ێ بڕیار دايه بكەتە دو رۆمان.. ئەڤە پشكا دووەمە، ل رۆژا 21ى چریا پێشی2020ێ بد ووماهيك ئينايه.
