وه‌شانێن ناڤه‌ندا خانی یا رۆشنبيرى و راگه‌هاندنێ / پشكا رۆشنبیری
وه‌شانا هژماره (29)
ناڤێ په‌رتووكێ : شمشۆن صه‌یادا 2 ( قاره‌مان و سۆزدار و نێچیرڤانێ بێ ڕكابه‌ر )
نڤیسكار : ژارۆ دهۆكی
بابه‌ت : رۆمان
نڤیسه‌ر – د پێشه‌كییا په‌رتووكێ دا دبێژيت: ژ بەر کو شمشۆن صەیادا ھێشتا یێ ساخە و ھیڤیدارم ژیيەکێ درێژ ببۆرینیت، من دیت گەلەک دێ یا فەر بیت بەشێ دویێ ژ ژیانا وی بنڤیسم وەک رۆمان. ژ بەر ڤێ چەندێ ئەز نەچار بووم ھندەک رویدانان ژ دەڤ خۆ ب ئافرینم و ئەو رویدان ژی دویر نینن ژ کریار و رەفتارێن وی یێن ڕۆژانە و گەلەک ژ وان دھێنە گرێدان ب سەربۆڕ و دورھێلێ وی ڤە.
ئه‌ڤ په‌رتووكه پشكا دويێ یه ژ ژیانا شمشۆن صه‌یادا، په‌رتووك به‌حس ل ژیاننامه‌يا وی دكه‌ت، به‌لێ ل سه‌ر شێوازێ رۆمانێ. نڤیسه‌ری پشكا دويێ ژ ژیاننامه‌يا وی ل سه‌ر شێوازێ شازده نیڤ پشكان و د ناڤ 154 به‌رپه‌ران دا نڤیسيیه.
