
ناڤەندا خانی ب مەرەما پویتە پێدانا رەوشەنبیری و بەرزکرنا ئاستێ هشیارییا جڤاکی، پێنگاڤەکا گرنگ و پڕ بەهایە.
ب چاپکرنا پەرتۆکێن جودا جودا ب ناڤ و نیشانێن جودا ئەڤ پڕۆژە نەبتنێ پێنگاڤەکە بەرڤ پویتە پێدانا چاپەمەنییاو خوواندندنا پەرتۆکان، بەلکو بزاڤەکا رەوشەنبیری و فەرهەنگییا مەزنە ژبۆ پاڕاستن و گرنگی پێدانا میراتێ زانستی،ئەدەبی و هزری یە.
ئەڤ 100 پەرتوکە ب ناڤ و نیشانێن جودا، بونە پشکەک ژ گەنجینا زانست و رەوشەنبیریێ ،
بێگومان، چاپکرنا پەرتوکان ب تنێ کارەکێ تەکنیکی نینە ، بەلکو خزمەتەک مەزنە بو هزرکرنێ، زانست و زانینێ و دڕوستکرن و پەروەردەکرنا نڤشەکێ سەردەم و هشیارە، هەر پەرتۆکەک دەرگەهەکە بو جیهانا نویی و نو دەم .
هەرناڤ و نیشانەک ژڤان پەرتۆکان شەمالکەکە ژبو ڤەڕەڤاندنا تارییاتیێ ، بیروکەیە و پەیامەک رەوشەنبیریی یە.
ئەڤە ددەمەکێدایە کوجیهان بلەز بەرەڤ پێشککەفتنێ ڤە دچیت، زانین و رەوشەنبیری یێن بووینە پیڤەرێن سەرەکی یێن پێشکەفتنا جڤاکان، گرنگی یاپەرتوک و چاپەمەنییا بو پاڕاستنا ناسنامەیا کولتوری و فەرهەنگی، گرنگی دانە ب هزرێ و هشیارکرنا تاکێن جڤاکی.
دڤی بوواریدا ، ناڤەندا خانی یارەوشەنبیری و راگەهاندنێ، ب هەستەکا بەرپرساڕێتییا رەوشەنبیری، ب مەرەما خزمەت کرنا زانینێ و زانستی و ئەدەبی وفەلسەفەو فەرهەنگی. پێنگاڤەکا گرنگ و بەسەنگ و هەژییە بو بەرەبابێن داهاتوو نڤشێن نوی، ئەوژی چاپکرنا 100 پەڕتۆکێن ناڤ و نیشانێن جودا.
کارەکێ ڕێک و پێکە بو کۆمڤەکرنا بەرهەمێن نڤێسەرو رەوشەنبیران،
ئەڤ کارێ ناڤەندا خانی، دەلیڤەک باشە بو رەوشەنفکرو هزرمەندو نڤێسەران .
ئەڤ پڕۆژە پەیامەک گرنگە بو وەرارو پێشکەفتنا بزاڤا رەوشەنبیریێ ل دەڤەرێ و هشیارییا نڤشێ پاشەڕۆژێ وێ چەندێ ددەتە خویاکرن کوپێشکەفتن ب تنێ ب ئالاڤێن مادی و تەکنەلۆژیاێ ناهێنە کرن، بەلکو ب ئاستێ مەعریفی و زانیینێ و کوالیتییا بیرکرنەڤێ و ئازادییا رادەڕبڕینێ و پویتەدان ب تاکی و رەوشەنبیریێ و ب فەرهەنگی دهێتە کێشان و پیڤان.
ژبەرڤێ یەکێ پێدڤییە ئەڤ پێنگاڤە وەک خزمەتەکا رەوشەنبیری یا دڕێژخایەن بهێتە تەماشەکرن و لێنێرین.
چونکی مەڕەما سەرەکی ژچاپکرنا ڤان 100 پەرتۆکان گەهاندنا پێزانین و زانینێ یە بو خوواندەڤانی وقوتابیێن زانکویان و نڤشێ نوی.
ناڤەندا خانی یارەوشەنبیری و ڕاگەهاندنێ ب ڤی پڕۆژێ خوو نیشان ددەت کو خوواندنا پەرتوکێ سەرەڕایی تەکنەلۆژیا سەردەم و ڤێ پێشکەفتنا سەردەم ڕەواجا خویا هەیی و جهەکێ سەرەکیێ هەیی و بەهایێ خو و هەرێ مایی و ژدەست نەدایە.
ژبەرڤێ چەندێ ب هەمی رێزو ڕۆمەت ڤە کارەک هێژایە و ب هیڤیا وێ چەندێ ئەڤ کارێ ناڤەندا خانی ببیتە پێنگاڤەک و دستپێکەک ژ بو پڕۆژێن مەزنتر یێن رەوشەنبیری و ببیتە نموونەک باش و بەرچاڤ هەمی ناڤەندێن رەوشەنبیری چاڤ لێ بکەن و پشتەڤانێت چاپکرنا پەرتوکان بن .
#مسلح یاسین




