وه‌شانێن ناڤه‌ندا خانی یا رۆشنبيرى و راگه‌هاندنێ / پشكا ره‌وشنبیری
وه‌شانا هژماره (28)
ناڤێ په‌رتووكێ : نووبهارا ئه‌حمه‌دێ خانی
نڤیسكار : سه‌عید دێره‌شی
بابه‌ت : ڤه‌كۆلین و ڕاڤه‌كرن و شرۆڤه‌كرن
نڤیسه‌ر د پێشگۆتنا په‌رتووكێ دا دبێژيت: دەرسا من یا ئێكێ ئەڤ هەڤۆكا بەراهیێ یا نووبهارێ بوو: (مەبدەئێ هەر علمەكێ ناڤێ عەلیم). ئو هۆسا ژی بۆ من راڤە كر: (دەسپێكرنا هەر علمەكی ب ناڤێ خودێ یە) من ژی هەم هەڤۆكا نووبهارێ و هەم راڤەیا سەید محەمەد هەردو ژبەركرن.
د ژییێ بچویكانیێ دا، هەر دەرسەكا شاگردی خاندبا؛ دڤیابوو حەتا رۆژا پاشتر ئەو دەرس ژ بەر كر با و بۆ سەیدای ژ بەر گۆتبا، لەوا ژی من نووبهار هەمی ژبەر كر و ما دگەل من دا حەتا ئەز مەزن بوویم و حەتا نهۆ ژی هندەك ل بیرا من مایە.
ئه‌ڤ په‌رتووكه شرۆڤه‌كرنا نووبهارا ئه‌حمه‌دێ خانی یه. نڤیسه‌ری ب تێر و ته‌سه‌لی نووبهار یا شرۆڤه‌كری، هه‌روه‌سا وێنه‌یێن چه‌ندین به‌رپه‌رێن نووبهارا شینده‌ستێن نووبهارێ یێن كرینه د ناڤا ئه‌ڤێ په‌رتووكێ دا، ل گه‌ل هندێ ژی ل دووماهیكا په‌رتووكێ، كۆمه‌كا گۆتنێن مه‌زنا و فه‌رهه‌نگا په‌یڤێن نووبهارێ هه‌نه.
