کێشا کورد تانها کێشا نەتەوەکێ نینە، بەلکو ئێکە ژوان بابەتێن شەنگستەیێن کو پەیوەندیەکا ڕاستەو خو ب ئاشتیێ، دیموکراسیێ، دادپەروەریێ وسەقامگیرییا سیاسی ل ڕۆژهەلاتا ناڤین ڤە هەیە،
ئەواڕاست و دروست ئەوە تا مافێن گەلێ کوردستانێ ب شێوەکێ دادپەروەڕانە و ب پێنگاڤێن کریاری نەچنە دبووارێ بجهئینانێدا، هەر گازی و بانگەوازەک بو ئاشتی وسەقامگیریێ ل ڤێ دەڤەرا ئاگرییا خودان مەژیێن هشک، دمەترسیێ دانە کو ب تنێ دچارچوڤێ گوتارو درشم و کومبوونا دا بمینیت.
ڕۆژهەلاتا ناڤین بو دەمەکێ زۆر دڕێژە ژئەگەرێ ململانێن دژوارو هەبونا کێشێن جودا جودا یێن نەتەوەیی و ئاینی و نەبونا باوەریەک تەمام و دویر ژچارەسەریێن شەنگستەی و ناکوکیێن بەردەوام، روی ب روی قەیرانێن جودا جودا دبیت، دڤێ دەڤەرا پری ئالوزیدا مللەتێ کورد پتر هەر وەڵاتەکێ دی بویە قوربانێ ناکوکیێن دەڤەرێ، کورد وەک نەتەوەکێ ڕەسەن و خوجهه ل دەڤەرێ دچارچوڤێ سنوریێن سیاسی و جیو پولیتیک دا یاژیایی و رویی ب روی کومکوژیێ و جینوسایدێ و کییمیا بارانێ و قوڕ کرنێ بویە،بابەتێن پەیوەندیار ، ب ناسنامانەتەوەی و زمانێ ومافێن مەدەنی و سیاسیێن وێ، دڕێڤەبرنا کاروبارێن گشتی و داهاتویاسیاسی، ناکوکی و ئالوزی ل ڤێ دەڤەرێ دبەردەوامن بێ چارەسەری مانە، روژهەلاتا ناڤین هەر شەرو ئالوزی بەردەوامن و کێشا کوردژی مایە هەلاویستی و بویە قوربانێ بەرژەوەندیێن وەڵاتێن دەردورو زلهێزێن جیهانێ.
ژبەر ڤێ چەندێ دەما بەحسێ ئاشتی و سەقامگیریێ دهێتە کرن، نابیت کێشا مللەتێ کوردستانێ وەک بابەتەک لاوەکی و ژبیر کری سەرەدەری دگەل بهێتە کرن ، چون کێشەک سەرەکییە ل دەڤەرێ بێ چارەسەری مایی.
ئاشتی رامان ژێ نەبونا شەری نینە ،
ئاشتی دڤێت ب ڕەنگەکێ بەرقەرار بیت کو تێدا مڕۆڤ بشێت بێی ترس ل سەرناسنامێ، زمان و بیرەوری و باوەریێن خو سەربەستانە بژیت.
ماف بهێتە پاراستن پشکداربیت دبریاردانێدا و کێشە ب رێێن دان و ستاندنەک مەدەنی و ب مەژیەک سەردەم بهنێنە چارەسەرکرن.
هەرچەندە ل ڤێرەو وێراهە بەحسێ مافێ مروڤ دهێتە کرن ، لێ دکریاردا هیچ پێنگاڤەک پێدڤی بو پاراستنا وان مافان ناهێتە دیتن.
لەو دوماهیێ دێ دوبارەکەمەڤە ئەگەر وەڵاتێن دەورو بەرێن مە دگەل وەڵاتێن زلهێزێن جیهانێ پێکڤە کار نەکەن ب کریار کێشا مللەتێ کوردستانێ چارەسەرنەکەن دەڤەر هەتا هەتا دێ دئاگرێ شەرەک بەردەوام دابیت.
