وهشانێن ناڤهندا خانی یا رۆشنبيرى و راگههاندنێ / پشكا رۆشنبیری
وهشانا هژماره (52)
ناڤێ پهرتووكێ: كاوه ئالیخان… بێدهنگییا ته، دهنگ ڤهدا
نڤیسكار: ئیسماعیل بادی
بابهت: ژیاننامه
رۆژنامهڤان كاوه ئالیخان، ل سالا 1982ێ ل تاخێ بهرۆشكێ ل پارێزگهها دهۆكێ ژ دایكبوویه. د ناڤ مالباتهكا خواندهڤان و رۆشهنبیر دا مهزن بوویه، لهوا د ژییهكێ گهنج دا، دهست دا كارێ راگههاندن و نڤیسینێ. ل گهلهك جهان وهك راگههاندكار كاركرییه. ل سالا 2021ێ ژ ئهگهرێ جهلتا مێشكی گیانێ خۆ ژ دهست دا. پشتی مرنا وی، خالێ وی نڤیسهر (ئیسماعیل بادی) ئهڤ پهرتووكه ل سهر ژیانا وی نڤیسییه، د سالڤهگهرا وهغهركرنا وی دا، چالاكییهكێ دا ل سهر بهرههڤبوویان هاته بهلاڤكرن. نڤیسهری رۆناهییا بهردایه سهر ژیان و كاری وى، ههروهسا نهساخى و رۆژا وهغهركرنا كاوهی و كارێ وى یێ رۆژنامهڤانیێ بهرچاڤ كرییه. ل دووماهییا پهرتووكێ پاشبهندهكێ وێنهیان دانایه.
