رادیویا ئێریڤانێ، یان رادیویا گشتی یا ئەرمەنستانێ، دەنگێ زەڵال وڕەسەن. ل1_ێ ئیلولا 1926ێ بو جارا ئێکێ دەنگێ وێ گەهشتە گوهێن گەلێ مەزڵومێ ئەرمەن.
ب ڤێ چەندێ ساڵا 2026 دبیتە سەدەمین سالا پەخشکرنا رادیویا ئێریڤانێ، ئەڤ بیرەوەرییە نەبتنێ یادکرنا دامەزڕاندنا وێیە، بەلکو بیرئانین و ساخکرنا سەد سالێن ڕەبەقێن خزمەتا زمان، کولتوور، هونەرو پەروەردێ یە.
دامەزراندنا ڤێ رادیوێ ل 1ێ ئەیلولا 1926 ێ ئێکەمین بەرنامە هاتییە تاقیکرن و تێستکرن ماوێ وی 25 خولەک بوون ژڤێ سازییا هێژا پەخش بوو، ل دەست پێکێ، پەخشکرن پێک دهات ژموزیککا گەلەکێ و نوچەو پەیامێن نافخوی. ئێکەمین دەنگێن ڤێ سازیێ هاتینە وەشاندن ب ڤان پەیڤان دەست ب پەخشێ هاتەکرن.
( گوهداریێ بکەن، گوهداریێ بکەن ، رادیویا ئێریڤانێ دێ دەست ب پەخشا خوکەت، دێ ئاخڤیت) ئەڤ پەیڤە بونە پشکەک ژ دیروکا میدیاێ ل ئەرمەنستانێ.
پاشی 15 ی خزیرانا 1927ێ پەخشکرنا بەرنامان ب شێوەکێ بەردەوام دەست پێکر. ب بورینا ساڵان بو گەلێ ئەرمەنا بوو ژێدەرو سەرچاڤێن گرنگ ژ پێزانینان و هشیاری ،فێرخوازی،، پاراستنا میراتا کولتووریێ ئەرمەنان.
رادیویا ئێریڤانێ، پارێزەرا زمان و کولتوورێ ئەرمەنان بو وێستگەهەک گرنگ و سەرەکی بو گەهاندنا دەنگێ ئەرمەنا بو جیهانا دەرڤە،
رادیویا ئێریڤانێ ل ماوێ سەدساڵێن بوری ڕۆلەکێ ئێکجار مەزن و گرنگ دپاڕاستن و پەرەپێدانا زمانێ ئەرمەنی گێرایە. ژ ستران، مووزیکا کلاسیکی، شانویێت رادیوی و چیرۆکێن نەرێتی گێرایە.
ئەڤ رادیویە پرەک موکوم بو ب هێز کرنا پەیوەندیان دناڤبەرا نفشێن کەڤن و نویی دا .
رادیویا ئێریڤانێ ب تنێ ئالاڤ و ئامرازەک نەبوو گرێدایی نوچەیان ، بەلکی ڤئ رادیوێ ڤالاتیەک مەزن پری بەرهەمێن، هونەری ، نڤێسەران، شاعران، موزیک ژەنان و دەنگ بێژان ب خوڤە دگرت ، ب رێکا خو دەنگێ زەڵالێ هونەرێ ئەرمەنان ژنفشەکێ بوو نڤشەک نوی پاراست و دگەهاند.
ئێک ژخالێن گرنگ یێن مێژوویا رادیویا ئێریڤانێ، گرێدانا پەیوەندیان دگەل ئەرمەنێن دیاسپۆراێ بوو.
ل رێککەفتی 10 ێ ئەیلولا1947 ێ، ئێکەم بەرنامێ تایبەت بو ئەرمەنێن دەرڤەی وەڵاتی پەڵاڤ کر و وەشاند، ئارمانج ژڤی بەرنامەی ب هێز کرن و خورت کرنا پەیوەندیا بو دگەل خەلکێ دەرڤە دژین.
ب ڕێکا ڤێ سازییا گرنگ و ل وی سەردەمی دا نەب تنێ، نە ب تنێ دناڤ ئەرمەنستانێدا بەلکو دناڤ ئەرمەنی و کوردێن سەرانسەری جیهانێ گوهدارو حەژێکەرێن ڤێ سازیێ زۆر بون هەتا ئەڤروژی دەما بەحسێ سازیەکێ دهێتە کرن پێدڤیە ئەڤ سازیا گرنگ و هێژا کو رادیویا ئێریڤانێ یە نەهێتە ژبیرکرن.
ل بیرەوەریا سەد ساڵان دا ، رادیویا ئریڤانێ ژتەکنیکەکا سادەیا دەستپێکی گەهشتە دەمەکێ ، ژیرییا دەستکرد یاچێکری و سو شیالێ و ئنتەرنێتێ، پلادفۆرمێن دیجیتالی و ئالاڤ و ئامرازێن سەردەم ێێن وەشانێ هەژی ڕێزگرتنێ و هەتا ئەڤروژی ئەڤ دەنگە بەردەوامە و ڕەسەناتیا خو یاپاراستی،
ئەڤ رادیویە سەرای گەشەکرن و سەردەمێن پێشکەفتنا میدیاێ ب پەیدا بونا تەکنەلوژیاێ و ئنتەرنێتێ و سوشیالێ و ژیریا چێکری بەهاێ خو ژدەست نەدایە چونکی دەنگ دشێت ب لەز پێزانینا بگەهینیت و پەیوەندیەک خورت و ب هێز دناڤبەرا مڕۆڤان دا دروست بکەت و پێشدا ببەت و دگەل ئەڤرو ب گونینیت.
بیرەوەریا دامەزراندنا رادیویا پێشەنگ و خودان سەنگ بیرا وان نڤێسەرو ڤەکولەرو مێژو نڤێسا و میدیا کارا ڤێ سازیێ ژبیرنەکەن ، چونکی رولەکێ گرنک هەبویە هەر ژدامەزڕاندنا خوو هەتا ڕۆژا ئەڤرو.
رادیویا ئێریڤانێ گەشتەک دڕێژو پڕی خزمەت و پێزانین بریە سەر.
ل دوماهیێ ئومێدەوارم ئەڤ سازییا گرنگ و پری بەرهەم هەر ل یاد بمینیت و دەنگێ زەڵا هەر هەبیت و چ جارا چک و بێ دەنگ نەبیت.
#مسلح یاسین
