سه‌عدوڵڵا ئاڤده‌ل.. شاعر.. پێشمه‌رگه .ز شه‌هيد
ژیان و به‌رهه‌مێ وى
كۆمكرن و به‌رهه‌ڤكرن: ئيسماعيل بادى
زنجيرا وه‌شانێن ناڤه‌ندا خانى/ پشكا ره‌وشه‌نبيرى (12)
چاپا دويێ يا زێده‌كرى، دهۆك 2021
چاپخانا پارێزگه‌ها دهۆكێ
سه‌عدوڵڵا ئاڤده‌ل، شاعرو پێشمه‌رگه‌يه‌كێ زيره‌ك بوويه، ژ ماله‌كا كوردپه‌روه‌ر بوو، ناڤێ وى يێ شعرى (س. دلژان) بوو. به‌رهه‌مێ خۆ به‌رى ببيته پێشمه‌رگه ل رۆژناما (هاوكارى) دا به‌لاڤكرييه، د كۆڕ و سميناران دا پشكدار بوويه، پاشى بوويه پێشمه‌رگه و هاتييه شه‌هيد كرن.
په‌رتووك ل دۆر ژيانناما وى دپه‌يڤيت، هه‌روه‌سا هه‌ردو ديوانێن وى يێن چاپكرى ل گه‌ل وان هۆزانێن به‌رى هينگێ وى به‌لاڤكرين هه‌مى تيدانه. ديسان كۆمه‌كا مه‌زن يا وان نامه‌يێن بۆ مالبات و هه‌ڤال و دۆستێن خۆ فرێ كرين تيدانه. په‌رتووك ژ 350 به‌رپه‌ران پێك دهێت.
د ديوانا دويێ دا، هۆزانڤان و نڤيسه‌رێ ناڤدار (ئه‌حمه‌د قه‌ره‌نى) پاشگۆتنه‌ك ژێڕا نڤيسييه.
ديسان فه‌رهه‌نگۆك د ناڤ ديوانان دا هه‌نه. ل دووماهيا په‌رتووكێ ژى، ئه‌لبۆمه‌كا وێنه‌يێن هۆزانڤانى تيدا هه‌يه.
