وه‌شانێن ناڤه‌ندا خانی یا رۆشنبيرى و راگه‌هاندنێ / پشكا رۆشنبیری
وه‌شانا هژماره ( 24 )
ناڤێ په‌رتووكێ : ئایه‌تێن ئاپۆی
نڤیسكار : محه‌مه‌د سه‌لیم چوروككایا
كرمانجیكرن : به‌یارێ زاویته‌یی
بابه‌ت : سیاسی
په‌رتووكا ئایەتێن ئاپۆیی یا نڤیسەر محەمەد سەلیم چوروككایا، بەحس ل قووناغەكا گەلەك گرنگ یا بزاڤا رزگاریخوازا كوردستانێ دكەت و ب تایبەت ل باكۆر ،كو مەزنترین پارچەیا كوردستانێ یە، هەتا دەستپێكا دیاربوون و دامەزراندنا پارتییا كاركەرێن كوردستانێ (پەكەكێ)، دەنگێ كوردان ل توركیا هاتبوو كپكرن و ناڤێ كوردستانێ ل چ جهان نە دهاتە بهیستن، پشتی دامەزراندنا پەكەكێ، كو نڤیسەرێ په‌رتووكێ ژی ئێك ژ دامەزرێنەران بوو، ل سالا 1974ێ تەڤلی گرۆپێ رێكخستنێ بوو كو ل وی دەمی عەبدوللا ئۆجەلان، مەزلووم دۆغان، محەمەد خەیری دورمۆش، كەمال پیر و هژمارەكا دی ب هەڤڕا بوون، كار بۆ دامەزراندنا حزبێ دكر، د ڤێ په‌رتووكێ دا نڤیسه‌ر ب رێكا ڤه‌گێرانا چیرۆكا خوه ل گه‌ل په‌كه‌كێ چه‌ندین بابه‌تێن هه‌ستیار و ب ترس د ناڤا په‌كه‌كێ دا دیار دكه‌ت، هه‌مان ده‌م نڤیسه‌ر (به‌یارێ زاویته‌یى) كو ب كارێ كرمانجیكرنا ڤێ په‌رتووكێ رابوویه د ناڤا گه‌له‌ك وان روودانان دا ل ده‌شتا بیقاعێ ژیایه و پشتى كرمانجیكرنا ڤێ په‌رتووكێ وى ژى ژ نوو راستییا وان بابه‌تان زانیيه، خواندنا ڤێ په‌رتووكێ گه‌له‌ك مفا هه‌نه ژ بۆ زانینا دیرۆكا هنده‌ك ئالیێن سیاسى یێن كوردستانێ.
