وهشانێن ناڤهندا خانی یا رۆشنبيرى و راگههاندنێ / پشكا رۆشنبیری
وهشانا هژماره (71)
ناڤێ پهرتووكێ: گرێ قهسرۆكا و باجلور
نڤیسهر: رهفیق باجلورى
بابهت: دیرۆكا سیاسى
سالا چاپێ: 2024
چاپخانه: خانی
پهرتووكا (گرێ قهسرۆكا و باجلور) كو ناڤێ دو گوندێن ب رهخ ئێكڤهنه، ل پشت گهلیێ دهۆكێ، چهندهك ژ وان كهفتبوونه د بن ئاڤا سكرێ دهۆكێ ڤه، لهوا گوند ل وێڤهتر ئاڤاكرن.
پهرتووك ب زمانێ عهرهبى هاتییه نڤیسین،
پشتى دیارییا نڤیسهرى، پهرتووك ل سهر حهفت پشكان دابهشكرییه،
د پشكا ئێكێ دا ل دور ژیانا جڤاكى، رۆشنبیرى، ئابۆرى و سیاسى یا دهڤهرێ و وان ههردو گوندا نڤیسییه، رۆناهیی بهردایه سهر ژیانا گوندان و دیرۆكا وان.
د پشكا دویێ دا، رۆلێ ههردو گوندان د بزاڤا رزگاریخوازا كوردی دا و بهرههڤى یین شۆڕشێ ئاخفتییه. ئێڤارییا 10/9/1961ێ پێشمهرگه كۆمڤهبووین.
پاشى پشكا سێیێ ل دور دهستپێكا شۆڕشا ئهیلولێ ل دهۆكێ ئاخفتییه و چهوا خهلك ژ دهۆكێ دهركهفتینه و قهستا گوندێ باخورنیفێ كرینه.
د پشكێن دیتردا بهحسى رۆلێ قوتابیان، هشیارییا خهلگێ وان گوندان د شۆڕشێ دا، ههلگێن خودان باوهرنامهیێن دكتورایێ، شههیدێن وان، ژیاننامهیا سهركرده محهمهد حهسهن باجلورى، كهسێن رۆلێن پێشچاڤ ههین، پاشى رێككهفتنا 11ى ئادارێ و شۆڕشا گولانێ كرییه.
نڤیسهر (رهفیق باجلورى) ل كولیژا ئادابێ پشكا زمانێن ئهورۆپى ل زانكۆیا مویسل خاندییه، چهندین سالان كارێ مامۆستایهتییێ كریه، سالا 2008ێ خانهنشین بوویه.
