کابینا نەهێ یا حکومەتا هەرێما کوردستانێ، د دیرۆکا نوو یا گەلێ کوردستانێ دا وەک ئێک ژ سەختترین و پڕ دۆژوارترین سەردەم دھێتە ھژمارتن، ڤەخاندنێن شیکاری بۆ چەند سالێن بووری نیشان ددەت کو سەرۆک وەزیران مەسرور بارزانی شیایە شێوازەکێ نوو یێ ب ڕێڤەبرنێ بینیتە د ناڤ کایەیا سیاسی و ئابووری دا کو پشت بەستنێ ل سەر گۆهرینا هەر ئاستەنگەکێ بۆ دەرفەتەکا زێڕین و پرۆژەکێ نیشتمانی دکەت.
کابینا نەهێ ل ژێر بارێ گرانێ چەندین قەیرانێن ناڤخۆیی و هەرێمی دەست ب کار بوو ژ بڕینا بودجەی و مووچەی ژ لایێ بەغدا ڤە ڕاگرتنا هنارتنا پەتڕۆلێ و ڤایرۆسێ کۆرۆنایێ و هێرشێن بەردەوام یێن ئەمنی ھەموو ب ئاراستەیا تێکدانا کیانێ دەستووری یێ هەرێما کوردستانێ.
مەسرور بارزانی نە ل سەر بنەمایێ پاشەکشێ یان ڕادەستبوونا بێ مەرج ئاڤا ببوو هزرەکا نیشتمانی یا ڕژد بوو بۆ پاراستنا پێگەھێ هەرێمێ ژبەر ھندێ سەرۆکێ حکومەتێ بڕیار دا کو رێکا راست بۆ پاراستنا کوردستانێ بێ ھێزکرنا پیلانێن نەیارانە ب ڕێیا ئاڤاکرنا ژێرخانەکا بهێز.
مەزنترین ئاستەنگ ل هەمبەر کابینا نەهێ شەڕێ نان بڕین و گەمارۆیا ئابووری بوو، ستراتیژیەتا ب ڕێڤەبرنێ ب کردار خۆ نیشان دا ل جھێ پشتبەستنا تەمام ب داهاتێ پەتڕۆلێ و بودجەیێ مەرجدارێ بەغدا حکومەتێ ئاراستەیا خۆ گۆهڕی بۆ سەر چەندین بوارێن گرنگ بۆ دروستکرنا بەنداڤێن مەزن و ساردخانە و پشتگیریکرنا جوتیاران کو شیانێن تژیکرنا پێدڤیێن ناڤخۆیی و هەناردەکرنا بەرهەمێ کوردی بۆ دەرڤە دابین بکەن.
راگەھاندنا پڕۆژەیێ هەژماری من کو سیستەمێ بانکی یێ هەرێمێ برە قۆناغەکا جیهانی و ڕێک ل گەندەلیێ و ب ھەدەردانا داهاتی گرت دەرئەنجامێ وێ چەندێ بوون کو پێدڤییە هەر دۆخەکێ گران ببیتە پالدەر بۆ باشبوونا ئابووریەکێ سەربەخۆ و نیشتمانی.
کەمپینێن چەواشەکاری یێن مەدیایا نەیاران کو بزاڤ دکرن بێ ھیڤی بوونێ د ناڤ جڤاکی دا بەلاڤ بکەن بەلێ مەسرور بارزانی ب زمانێ ھژمار و کارنامەیێن ل سەر ئەردی بەرسڤ دا ل هەر دەڤەرەکا کوردستانێ بێی جوداهی پرۆژەیێن ستراتیژی یێن رێک و پران و ئۆتۆبان کارگەهێن مەزن و وێستگەهێن کارەبێ ھاتینە دروستکرن، ئەڤ چەندە پەیامەکا ب ھێز یا سیاسی و مەدیایی بوو کو ئیرادەیا ئاڤەدانیێ ل هەرێمێ ژ ھەموو پیلانان ب ھێزترە.
مەسرور بارزانی د ڕووبڕووبوونا ئاستەنگان دا سەرکەفتنەکا مەزن تۆمار کریە، کابینا نەهێ سەلماند کو پیلانێن ژناڤبرنا کیانێ هەرێمێ تووشی شکەستنێ بوون و ل جھێ وان پرۆژەیێن نیشتمانی ل سەر ئەردی ھاتنە ئاڤاکرن و بلند بوون و هەرێما کوردستانێ ب هێزتر و خودان ژێرخانەکا باوەرپێکری بەرەڤ پاشەڕۆژێ پێنگاڤان د ھاڤێژیت.
