وهشانێن ناڤهندا خانی یا رۆشنبيرى و راگههاندنێ / پشكا رۆشنبیری
وهشانا هژماره (68)
ناڤێ پهرتووكێ: زهكاتا ئهڤینێ
نڤیسكار: دیا جوان
بابهت: هۆزان
هندهك كهس ب جهسته ژ ناڤ مه دچن، لێ ب پێنڤیسێ خۆ بۆ ههتا ههتایێ د دلێ مه دا زیندی دمینن. نڤیسهر و هۆزانڤانا ژێهاتی (دیا جوان) ئێك ژ وان كهسانه، كو ههتا ههتایێ دێ د دلێ مه دا زیندی مینیت.
پهرتووكا (زهكاتا ئهڤینێ) ژ كۆمهكا هۆزانێن هۆزانڤانا ههردهم ساخ (دیا جوان) پێكدهێت، ئهڤ پهرتووكه نه ب تنێ د ئێك چارچۆڤه دا هاتییه نڤیسین، بهلكو هۆزان ب چهندین بابهتێن جودا هاتینه نڤیسین. ژ ههژی ئاماژێ یه، كو پهرتووك ب ئهلفابێیا لاتینی هاتییه نڤیسین و ژ 168 هۆزانان پێكدهێت، دیا جوان ههمی هۆزانێن كو د ناڤا ئهڤێ پهرتووكێ دا هاتینه كۆمكرن ب زمانهكێ ساده و كورت نڤیسینه. ئهڤه دووماهى بهرههمێ وێ یه كو ژ لایێ ناڤهندا خانى ڤه هاتییه چاپكرن.
رۆحا “دیا جوان” شاد و پەیڤێن وێ هەردەم د ساخ بن.
