وەکی ئەڤرۆ (15/8/2016)، بەری دەهـ سالان، مەزنترین و ناڤدارترین هونەرمەندێ کورد و كورددستانێ (محمد تهیب تاهر) وەغەرا دووماهیێ کر. هونهرمهند محهمهد تهیب تاهر ل سالا 1946ێ ل دهڤهرا دێركێ ژ دایك بوویه، سالا 1963ێ ئێكهمین ستران گۆتییه كو هێشتا قوتابى بوو، سالا 1968ێ پهیمانگهها هونهرى ل لبنانێ تهمام كر. ل وێرێ تیپا (ئهرز) دامهزراند. بۆ جارا ئێكێ ل زاخۆ سالا 1970ێ د ئاههنگهكێ دا پشكداری كر. ل سالا 1972ێ تیپا (دلمان) دامهزراند و كۆمهكا هونهرمهندێن دهۆكێ تێدا دپشكدار بوون و سترانێن نیشتمانى دگۆتن و دهما شۆڕشێ دهست پێكرى، دیسان ل وێرێ ژى ههر خزمهت دكر. سالا 1974أ ل بهغدا پشكدارى ئاههنگهكێ بوو و كۆمهكا سترانێن كوردى گۆتن. ب رییا سهیدا صالح یووسفى تیپا وان شییا ببنه یێن ئێكێ د ستران گۆتنێ دا.
نفشێ سالێن حەفتییا و حەشتێیان باش ڤى هونهرمهندى دنیاسن. وى دهمى هونهرمهند محهمهد تهیب ئێك بوو ژ وان سترانبێژێن كورد سترانا كوردى بهر ب نویكرنێ و سترانا ههڤچهرخ برى.
ههر هینگێ وى ستران ب (پارتى) و (بارزانى) دگۆتن وهك سترانا (بارزانى پاڵهوانى كورد)، ههروهسا دهما ل غهریبییا ل ئهلمانیا دژییا، د سالێن حهشتێیاندا وى دو كاسێت تۆماركرن و پترییا وان سترانێن نیشتمان پهرورهى بوون، دهما گههشتینه دهستێ گهنج و حهزژێكهرێن دهنگی وى ل دهۆكێ كو ب رێیێن قهچاغ دگههشتن، ههر زوى هاتنه كۆپی كرن و بهلاڤكرن. ل سالا 1979ێ ل گهلیێ دهۆكێ د ئاههنگهكا نهورۆزێ دا، ل گهل هونهرمهندێن ناڤدار فوئاد ئهحمهد، تهحسین تاها و محهمهد جهزا ئاههنگهكا ب رهوش گێڕا و كۆمهكا سترانێن كو ب دلێ جهماوهرى گۆتن و ترسهك ئێخسته دلێ ڕهشهكێن رژێمێ. دیسان ههر ئاههنگهكا با ل وى دهمى كو خزمهتا هونهرێ كوردى دكر،یێ ئاماده بوو و نویترین ستران دگۆتن.
د سالێن نۆتاندا پشتى زڤڕییهڤه، دیسان تیپا دلمان ساخكرهڤه و كۆمهكا هونهرمهندێن دی تێدا خزمهت دكر.
ژ هونهرمهندێن ئێكێ بوویه پشتى سهرهلدانێ زڤرییهڤه بۆ باژێرێ دهۆكێ و ل تێلهفزیۆنا (خهبات/ دهۆك یا نوكه) كۆمهكا سترانێن خۆ وهكو كلیب تۆماركرن.
لێ مخابن پشتى چهند سالان ل كوردستانێ ژیانا خۆ برییه سهر، جارهكادى ژ بهر نهخۆشیێن ژیانێ و نهساخییا وى، چوو ژ دهرڤهى وهلاتێ و ل رۆژا 15/8/2016ێ ل باژێڕێ بوون ل وهلاتێ ئهلمانیا وهغهرا دووماهیێ كر.
