رێکا بوونه ترێند ل تورێن جڤاکی هشیاریا مە، و شلوڤەیا میدیایا نوکە یا د ڤان سالێن داویێ دا گوهرینێن مەزن لسەر شێوازێ ڤەگۆهاستنا نوچە و زانیاریان ل جیهانێ ب تایبەت ل دەڤەرێن مە تەکنۆلۆژیا و توڕێن جڤاکی سەرەڕايی، کو پلاتفۆرمێن گرنگن بۆ گەهاندنا دەنگ و ڕامانان، لێ بووینە گۆڕەپانەك کو تێدا بدەستڤەئینانا ترێندبوونێ بوویە ئارمانجەکا سەرەکی بۆ پشکەک ژ بکەران، ئەڤ دیاردە چەند ئاسان هاتیە دیتن بو ڤەکرنا دەربچەیێن بەلاڤکرنێ هندە ژی مەترسیێن ل سەر تەمەنێ بهایێن رەسەن و رەوشتێن نڤیسینێ دروست کرینە.
چەمکێ ترێندبوونێ ل دەسپێکێ ئاماژە بوو، بۆ وان بابەتێن کو خەلك ب ئارەزوویەکا راستەقینە و ژبەر گرنگيیا وان یا جڤاکی و هزری و ل دویڤ دچوون، به‌لێ مخابن ل سەردەمێ نوکە ئاراستە هاتیيە گوهۆڕین، پشکەك ژ مرۆڤان تەنانەت ناڤێن خودان پێگەهـ و هەمبێزا سیناریۆیێن لاواز و ڤیدیۆیێن بێ ناڤەڕۆك دکەن، ب تنێ ژ بۆ هندێ کو ناڤێن وان ل سەر روویێ پەرەیان دەربکەڤیت و ببنە بابەتێ گەرم یێ رۆژێ ئەڤ شێوازە دەمێ دبنە پێشەنگ، بهایێ هشیاری و گوتارا بلند د ئیننە ئاستەکێ نزم، کو تێدا کۆمێنت و لایك ل شوونا هزر و تێگەهشتنێ بڕیارێ ل سەر سەروەتێ هزری ددەن، ژ لایەکێ دیڤە ترێندا راستەقینە یا کو پێدڤیيە مرۆڤ ل دویڤ بچیت نە یا بێ ئارمانجە، بەلکو ئەو ترێندا کو دکەڤتە د خزمەتا هشیارکرنا جڤاکی دا و پاراستنا زمانێ دایکێ و بەرجەستکرنا دیرۆك و رەسەناتیيا دەڤەرێ، مژارێن کۆمەڵایەتی یێن گەرم وەك گوهۆڕینێن رەفتارێن گەنجان کاریگەریێن خراب یێن توڕێن جڤاکی ل سەر پەیوەندیێن خیزانی و گرنگیدان ب کولتوورێ خۆمالی. ئەو بابەتێن کو دڤێت ببنە ترێند و جهگۆڕەکێ ب بابەتێن لاواز بکەن، چونکە گۆتارا نڤیسکار و رۆژنامەڤانان پشکەكە ژ ئەرکێ وی یێ پیرۆز بۆ رۆناککرنا رێکا جڤاکی، لەوما گەهشتن ب ترێندبوونێ ب تنێ ب سیناریۆیێن ڤالا و سەرنجراکێشێن دەمکی نە و دهێنە ژبیرکرن. بەلێ سەرکەفتنا راستەقینە ئەوە کو مژارێن بلند ب زمانەکێ سادە و روون و کاریگەر بگەهنە دەستێ خواندەڤانان و بلا ئارمانجا مە یا سەرەکی نە ب تنێ زێدەکرنا هژمارا بینەران بیت، ئانکو ئاڤاکرنا هزرەکا ساخلەم و هشیاریيەکا بلند بیت، کو ل بەرامبەر پێلێن بێ ناڤەرۆک سەدەمەکا قایم پێک بینیت.
