جه‌لیل كاكه‌وه‌یس، نڤیسه‌ر و چیرۆكنڤیس و وه‌رگێرێ ناڤدارێ كورد، د ژییێ 78 ساڵییێ دا ژ به‌ر نه‌خۆشیێ ئه‌ڤرۆ 10/10/ 2026ێ ل هه‌ولێرێ وه‌غه‌را داوییێ كر.
جه‌لیل كاكه‌وه‌یس ل سالا 1948ێ ل كه‌ركووكێ هاتییه دنیایێ. خواندنا سه‌ره‌تایی و ناڤنجى و ئاماده‌یی ل كه‌ركووكێ ب دووماهی ئیناینه. ل سالا 1974ێ دا كولیژا ئەده‌بیاتێ، پشكا زمانێ كوردی ل زانكۆیا به‌غدایێ ته‌مام كرییه.
كاكه‌وه‌یس خودانێ كۆمه‌كا په‌رتووكێن نڤیسی و وه‌رگێراینه، ئه‌و چیرۆكنڤیسه‌كێ ناڤدارێ كورد بوو.
ل ده‌ستپێكا سالێن دو هزارێ، وى ل ده‌زگه‌هی برایه‌تى و خه‌بات كار دكر، ئه‌ندامێ ده‌سته‌كا نڤیسه‌رێن رۆژنامه‌یا برایه‌تى ئه‌ده‌ب و هونه‌ر بوو، ل وێرێ پشته‌ڤانێ زارێ كرمانى بوو، كو ل ده‌ستپێكا دامه‌زراندنا خۆ ل باژێرێ دهۆكێ ژیایه و كارێ مامۆستایه‌تیێ كرییه. د ژییانا خۆ دا وى چه‌ندین په‌رتووك ژ به‌رهه‌مێن خۆ و یێن وه‌رگێڕایى چاپكرینه، وه‌كى:
– رۆمانا گوهه‌رینا خه‌ریب (مه‌تامۆرفۆز), یا فرانز كافكا.
– كورد ژ سه‌دسالا هه‌فته‌مین هه‌تا سه‌دسالا ده‌هه‌مین یا زایینی, یا ئارشاك پۆلادیان.
– باخچه‌یا كه‌ڤرین, یا نیكۆس كازانتزاكس.
– رۆمانا رۆژه‌ك ژ سه‌دساله‌كێ درێژتر دبیت، یا چنگز ئایتماتۆڤ.
– هلبژارتنه‌ك ژ چیرۆكێن ئەره‌بی و جیهانی, ب ناڤێ خلته‌یا دنیایێ.
– رۆمانا شلۆمۆ كوردە و ئەز و ژیانا من, یا سامر ناققاسى یه.
– رۆمانا جه‌ژنا بزنێ, یا مارۆ ڤارگاس للۆسا.
– رۆمانا چل رێگه‌زێن ئەڤینێ, یا ئەلف شافاك.
– رۆمانا گۆلا ئاڤێ, یا یاسونار كاواباتا.
– رۆمانا خه‌م و به‌دهۆیی, یا یاسونار كاواباتا.
– سووفیگه‌ری, یا نكۆس كازانتزاكس.
