زوربەیا پشکەکا تەخا نڤیسکاران هەژارو دەستکورتن

جیهانا نڤێسینێ و پەیداکرنا باوەریەکا هزری وێژەی ب گشتی ل جیهانێ تایبەتی ل هەرێما کوردستانێ بەردەوام ئێک ژ پر بایەخترین دهەمان دەمدا سەخترین وارێن ژیانێ بوویە . دەمێ ئەم ل پشکەکا مەزن ل تەخا نڤیسکاران و هزرڤان و وەرگێران بنێرین . دبینین کو زوربەیا وان ژئالیێ مادیڤە دبارودوخەکئ نە هوسا و هەژاری یابەردەوام دا بوون و هەنە ،

هەلبەت لگورەی ڤی بابەتی ژ ئالیێن دەرونی .جڤاکی . ئابوری وێژەی ڤە ڤەکولین و بزانین . بوچی نڤیسکارو خودانێن پەلکێن پەیڤێ ل دەڤەرا بادینان ب گشتی ل کوردستانێ بدرێژاهیا دیروکێ و نها ژی هەژارو دەستکورتن ،
ئایا کێماسی هشیاریا جڤاکی هەیە یان سیستەمێ ئابوری و چاپەمەنیێ بەرپرسە ژڤی باری ؟
ئابوریا پەرتووکێ و نەبوونا بازارەکی جێگیر ئێک ژ هوکارێن سەرەکی یێن کو نڤیسکارێن بادینان و کوردستانێ ب گشتی تووشی بارێ هەژاری و دەستکورتیا مادی دکەت . نەبوونا بازراەکی ئابوری یێ ب هێزە بو پەرتووکان ل جیهانێن پێشکەتی نڤیسکار خودان مافێن چاپێ نە و داهاتەکێ تێرکەر ه ڤروتنا بەرهەمێن خوە بدەستڤە دئینن هوکار ئەوە کو خویندەڤان ب ئاسانی و بشێوەکی برێک و پێک پەرتووکان دکرن ،
لێ دەڤەرامە کێماسیا خویندەڤانێن کریبڤان پشکەکا مەزن ژ خویندەڤانان حەز ناکەن پەرتووکێ ب بهایێ وێ یێ راستەقینە بکرن ،
بەلکو پتر ل هیڤیا دیارییان نە یان ژی ل ڤەکولینا کوپیێن دزیدی (pdf) دورمەری تورێن جڤاکی دگەرین . لدویف چوونا چاپێ و چاپێ و بەلاڤکرنێ نڤیسکار بتنێ پشکەکا مەزن ژ پارەیێ خوە ددەتە چاپخانا ب مەرەما دەرێخستنا پەرتووکەکێ ،
لێ دویماهیێ بیی کو هەمبەر وێ داهاتەکێ پەیدابکەت دکەتە دیاری بو هەڤال و نیاسینا ئەدەب دوستێن دەڤەرێ ،
نەبوونا پالپشتیا فەرمی وەزارەتێن رەوشەنبیری و دام و دەزگەهێن پەیوەندار و وێژەی و هندێن کێم بودجەی بو چاپکرنا پەرتووکان دابینکەن .کو نڤیسکار نەچار دبن سالێن درێژ ل هیڤیا نڤیسینا لیستەکێ بمینن ،
تەڤگەرا جڤاکی و بهایێ نڤێسینێ جڤاکەک کو هێشتا وەک پێدڤی بهایێ راستەقینە یێ هزری و پەرتووکەکێ نەزانە . بێگومان بەرهەم ئینەرێ وێ هێلتە دپەراویزێ ژیانێ دا ل دەڤەرا بادینان چەندین نڤیسکارێن مەزن و خودان شیان هەنە کو سالێن خوە یێن زێدە دخزمەتا زمان و چاندا کوردی دا دەربازکرینە ،
لێ دتەمەنێ پیربیێ دا ژی نەخوشی و یان کێماسیێن ژیانێ بێهیڤی دکەن . جڤاک نڤیسکاری دبنە تشتەکێ لاێەکی هندی نڤیسکارەک ناڤ و دەنگێ خوە ل زیندەبوونا هزری دا بەرزبکەت ژ ئالیێ دابینگرنا ژیانەکا شایستە بو خیزانا خوەڤە دوخەکێ مەترسیدار دا بینە ،
ئەڤ بارودوخە دبەر هوشدارە بو نڤیسکارێن گەنج ژی گەنجەکێ لێهاتتوویی خودان شیانێن وێژەی دبینە کو دەمێ خوە یێ مەزن دمەزاختنا بو کاەرکێ دی یێ نافنجی یان بازرگانیێ دکەت دا کو بشێت ژیانا خوە دابین بکەت دئەنجام دا بەهرو شیانێن وی یێن نڤێسینێ دهێتە کوشتن یان بێهنفرەهکرن بێ بها بوونا هزری ل هەمبەر ئەدەبیاتێ پەیوەندیا نڤیسکاری دگەل پەیڤێ پەیوەندی یە لسەر بنەمایێ ئەشق و ڤیان و دلسوزیا بێ مەرجە . نڤیسکار کێم جاران دشیان دا هەبن کو مەرەمێن بازرگانی ل پاش بەرهەمێن خوە بن ئەڤە دەرێخستنا کەسایەتیا وان بلند بکەت ،
لێ دهەمان دەمدا وان بەرڤ لاوازیا مادی ڤە دبە نڤیسکارەکی هەزارو بدەستکورتی لبن سیبەرا مێزەکێ دژیت و دیسان ژی هزر د جوانترکرنا زمان و پێشڤەبرنا چاندا نەتەوا خوە دکەت . ئەڤ هەڤرکیێ و دەستپاکیێ یا نڤیسکاران ل گەلەک دەمان دا بوویە هوکار کو هێزێن دەستهەلاتدار یان خودان سامان نەبنە پالپشتێن راستەقینە بو وان ،
چونکە نڤیسکارێ سەربخوە چەپوکێ نەڤەکەت .چارەسەر و دەرگەهێن هیڤیێ ئەگەر ئەم بنێرین بارودوخێ بەشەکا نڤیسکارێن ل باژێرو دەڤەرێن گونجایی ل هەرێمێ بەرەڤ باشتر ببەین چەندین رێکار پێدڤیە بهێتە پەیرەوکرن و بەرچاڤکرن ؛
دامەزراندنا دەزگەهێن چاڤدێریا نڤیسکاران پێدڤیە سندوقێن تایبەت بو پشتەڤانیا نڤیسکارێن خودان پێدڤی و یێن نەخوشیێن هەمەجور هەین بهێتە ڤەکرن دا کو دەمێن تێرکەری و تەنگاڤیان دا بێچارە نەمینن ،
بەرەو پێدان بکرینا پەرتووکان پەروەردەکرنا زاروک و گەنجان لسەر چاندا کرینا پەرتووکان و رێزگرتن ل خودانێن بەرهەمێن هەمەرەنگ ،
پشتەڤانیا دیخیتال چێکرنا پلاتفورمێن کوردی یێن ئەلکترونی بو فروتنا پەرتووکێن کاغەزی و دیجیتالی ب بهایەکێ گونجای کو داهاتەکێ بەردەوام بو نڤیسکاری پەیدادکەت ،
رولێ میدیایێ پێدڤیە میدیا کوردی گرنگیەکا مەزنتر بدەتە ناساندنا پەرتووک و نڤیسکارێن دەڤەرێ و نەهێلیتە دەنگێ وان یێ رەوشەنبیری بن ئاخ ببەن ،
بکورتی پتریا تەخا نڤیسکاران ل باژێرو دەڤەرێن گونجایی ل هەرێما کوردستانێ هەژارو دەستکورتن نە ژبەر کو کێماسی دئافراندنا وان دا هەبن . بەلکو ژبەر سیستەمەکێ ئابوری و جڤاکی یێ کو هێشتا نەشیایە بهایێ راستەقینە یێ نڤیسەر و هزرڤانی بەرقراتربکەت نڤیسکار دهولا نڤێسینێ دا دەمەکێ مەزن ب قوربانی ددەن ،
لێ دڤێت جڤاک و دام و دەزگەهێن بەرپرسیار ژی ئەرکێ خوە یێ ئەخلاقی و مێژوویی هەمبەر وان جێبەجێبکەن دا کو نڤیسکار بیی کو خەما پارچەیەک نانی بکەت بتنێ خەمخوری و پەیڤێ و پێشڤەبرنا جیهانا هزری بمینیت.