14/10/2026
٣٤ سالا بەری نۆکە. دەنگەکێ ڕەسەن و دڵسۆز ل دەڤەرا مە دەنگ ڤەدا ب پالپشتی و سایا سەرێ پارتی دیموکراتی کوردستان و گۆت: ” ڤێرێ دەنگێ کوردستانە و ڕادیۆیا دھۆکە”. رادیۆیا دھوک نە ب تنێ دەزگەھەکێ ڕاگەھاندنێ بوو. بەلکو قوتابخانەيه‌کا مەزن و کانیيا پەروەردەکرنا میدیاکارێن لێھاتی و بەھرەمەندە .
د ڤان ٣٤ سالێن بوری دا. ڕادیۆیا دھۆک ڕۆلەکێ مێژویی گێڕایە. ئەڤ دەزگەھە ئەو کانیا زەلال بوویە کو ب دەھان ڕاگەھاندنکار، بێژەر، ڕۆژنامەڤان و تەکنیکار پێگەھاندینە و ڕێکا سەرکەفتنێ نیشا وان دایە. کو ئەڤڕۆ دبینین ژێھاتیترین میدیاکارێن وێ ل باشترین و مەزنترین کەنالێن کوردستانێ و ئیراقێ کار دکەن و جھێ شانازیێ نە.
نە ب تنێ د بوارێ کادر و کەسایەتیيان دا. بەلکو ڕادیۆیا دھۆک ھەمی دەما کانيیا ھزرێن نوی و داھێنانێ بوویە د ناڤەره‌کا بەرنامه‌يان دا. زۆربەیا ھزر و ستایلێن بەرنامه‌یێن نوژەن یێن ڕادیۆیی و تەلەڤزیۆنی ژ ڤێ رادیۆیێ بەلاڤ بوینە . تا وێ ڕاده‌یى کو گەلەک ژ کەنال و تیڤی يێن دیار یێن دەڤەرێ وەک ژێدەر و سەرمەشقا نوویاتيیا بەرنامه‌یان مفایەکێ مەزن ژ ئەزموون و ھزرێن نوی یێن ڕادیۆیا دھۆک وەرگرتینە و وەردگرن.
ئەم د ڤێ ھەلکەفتا پیرۆز دا . سؤپاسیێن گەرم ئاراستەی بەشێ رۆشەنبیری و راگەھاندنا پارتی دیموکراتی کوردستان و ناڤەندا خانی يا بەرێز دکەین. ھەر دیسان دەستخۆشییەکا گەرم ل ھەمی دامەزرێنەر، ڕێڤەبەر، میدیاکار و تەکنیکارێن وێ یێن دوھـی و ئەڤرۆ دکەین . ھەروسا سۆپاسیا ھەڤال و ھۆگر و گوھدارێن دڵسۆز دکەین کو بەردەوام ھێز و پشتبەستنا سەرھەلدانا ڤی دەنگێ ڕەسەن بوینە.
پیرۆز بیت ٣٤ سالیيا ڕادیۆیا دھۆک، ب ھیڤیيا بەردەوامییا (داھێنان. پێشەنگیيا میدیایی. راستی و بلندیيا دەنـگی).
رێڤەبەرێ رادیۆيا دھۆک
